Viramitrodaya 1.p326

1.p326

kṛṣṇatālvoṣṭhadaśanā rūkṣaśṛṅgaśaphāśca ye | avyaktavarṇā hrasvāśca vyāghrabhasmanibhāśca ye || dhvāṅkṣagṛdhrasavarṇāśca udbhrāntanayanāstathā | naite vṛṣāḥ pramoktavyā na ca dhāryāstathā gṛhe || moktavyānāṃ ca dhāryāṇāṃ bhūyo vakṣyāmi lakṣaṇam | svastikākāraśṛṅgāśca meghaughasadṛśasvanāḥ || mahāpramāṇāśca tathā mattamātaṅgagāminaḥ | mahāraskā mahāśvāsā mahābalaparākramāḥ | śiraḥ karṇau lalāṭaṃ ca vāladhiścaraṇāstathā || netre pārśve ca kṛṣṇāni śasyante candrasatviṣaḥ | śvetānyetāni śasyante kṛṣṇasya tu viśeṣataḥ || bhūmau karṣati lāṅgūlaṃ praśastaḥ sthūlavāladhiḥ | purastādudyato nīcaḥ pṛṣṭhataśca viśiṣyate || śaktidhvajapatākābhā yeṣāṃ rājirvirājate | anaḍvāhastu te dhanyā ṛddhisiddhi jayāvahāḥ || pradakṣiṇaṃ nivarttante svayaṃ ye vinivarttitāḥ samunnataśirogrīvā dhanyāste kulavardhanāḥ || raktaśṛṅgāgranayanaḥ śvetavarṇo bhavedyadi | śaphaiḥ pravālasadṛśairnāsti dhanyatarastataḥ || ete dhāryāḥ prayatnena moktavyā yadi vā vṛṣāḥ | dhāritāśca tathā muktā dhanadhānyavivarddhanāḥ || caraṇāśca mukhaṃ pucchaṃ yasya śvetāni gopateḥ | lākṣārasasavarṇaśca taṃ nīlamiti nirdiśet || vṛṣa eva sa moktavyo na sa dhāryo gṛhe bhavet | tadarthameṣā carati loke gāthā purātanī || eṣṭavyā bahavaḥ putrā yadyeko'pi gayāṃ vrajet