Viramitrodaya 1.p370
Vīramitrodaya 1.p370
- Language
- Sanskrit
1.p370
ekasmin digvibhāge tu kāryāścandrāṃśunirmalāḥ | catasrastasya dharmajña patākā rukmabhūṣitāḥ || daṇḍaścāmaravatkāryo vaiṇavasya praśasyate | tricatuṣpañcaṣaṭsaptaaṣṭaparvaḥ praśasyate || daśadvādaśabhirvāpi parvabhiḥ parivarjayet | chatradaṇḍāgraparvāṇāṃ daṇḍaḥ sarvatra śasyate || dhārayanti ca daṇḍaṃ vai vaiṇavaṃ gṛhamedhinaḥ | rājñāṃ praśastaḥ ṣaḍḍhastaśchatradaṇḍaḥ praśasyate || ardhapañcamahastastu mahiṣīyuvarājayoḥ | senāpatipurādhyakṣasāṃvatsarapurohitaiḥ || pañcahastastu karttavyaśchatradaṇḍo bhṛgūttama | caturhastastu karttavyo mayā ye'tra na kīrttitāḥ || vyāso daṇḍārdhamānena sadā chatrasya śasyate | chatraṃ vibhūṣayedrājñāmardhacandradivākaraiḥ || vajrendranīlasphaṭikairupetaṃ vaiḍūryyamuktāphalasupravālaiḥ | vibhūṣitaṃ raśmiyutaṃ praśastaṃ sadā''tapatraṃ tu mahīpatīnām || iti | gargasaṃhitāyām, haṃsakukkuṭapakṣaiśca māyūraiḥ sārasaistathā | nicitaṃ paṭṭasañchannaṃ śuklaṃ muktāphalānvitam || paṭṭaṃ dukūlam | chatraṃ sphaṭikamūlaṃ ca tatra daṇḍaṃ tu ṣaṭkaram | kārayeddhemasañchannaṃ navaparvanagānvitam || tadātapatraṃ nṛpateḥ kalyāṇātijayāvaham | iti | navaparvānvitaṃ nagānvitaṃ ca | nagānvitaṃ saptaparvānvitam
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit