Viramitrodaya 1.p371
Vīramitrodaya 1.p371
- Language
- Sanskrit
1.p371
vistarato nirdiṣṭaṃ paṭṭānāṃ lakṣaṇaṃ yadācāryaiḥ | tatsaṅkṣepātkriyate mayā ca sakalārthasampannam || paṭṭaḥ śubhado rājñāmapyaṣṭāvaṅgulāni vistīrṇaḥ | sapta narendramahiṣyāḥ ṣaṭ yuvarājasya nirdiṣṭaḥ || caturaṅgulavistāraḥ paṭṭaḥ senāpaterbhavati medhyaḥ | yaśca prasādapaṭṭaḥ pañcaite kīrttitāḥ paṭṭāḥ || sarve dviguṇāyāmā madhyādardhena pārśvavistīrṇāḥ | sarve ca śuddhakāñcanavinirmitāḥ śreyaso vṛddhayai || yaddarśane pītataraṃ nikaṣe ca raktaṃ vahnau sutaptamatiraktataraṃ vibhāti | chede cikkaṇavapurviśadaṃ ca bhaṅge yattatāḍitaṃ namati tatkanakaṃ praśastam || pañcaśikho bhūmipatestriśikho yuvarājapārthivamahiṣyoḥ | ekaśikhaḥ sainyapateḥ prasādapaṭṭo vinā śikhayā || kriyamāṇaṃ yadi patraṃ sukhena vistārameti paṭṭasya | vṛddhijayau bhūmipatestathā prajānāṃ ca sukhasampat || jīvitarājyavināśaṃ karoti madhye vraṇaḥ samutpannaḥ | madhyasphuṭitastyājyo vighnakaraḥ pārśvayoḥ sphuṭitaḥ || aśubhanimitte paṭṭe śāstrajñaḥ śāntimādiśedrājñām | śastanimittaḥ paṭṭo nṛparāṣṭravivṛddhaye bhavati || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit