Viramitrodaya 10.p74
Vīramitrodaya 10.p74
- Language
- Sanskrit
10.p74
śrīprado ripuhantā ca catuścakro janārdanaḥ | pūjayedbhaktisaṃyuktaḥ sugandhaiḥ kuṅkumādibhiḥ || pañcabhirvāsudevaḥ syātprabhuścakraiḥ śilārcitaḥ | janmamṛtyubhayāttrātā bhavate nātra saṃśayaḥ || pradyumnaḥ ṣaḍbhiścakraiśca lakṣmīkīrttiprado bhavet | pūjito bhaktibhāvena cakratīrthaśilodbhavaḥ || balabhadraśilā jñeyā saptacakrāṅkitā khaga | pūjitastuṣyate devo gotraputraprado bhavet || vāñchitaṃ cāṣṭabhiścakrairdadāti puruṣottamaḥ | sarvaṃ dadyānnavacakro durlabhaṃ yatsurairapi || pūjitaḥ keśavastasya dadāti sthānamuttamam | rājyado daśabhiścakrairdaśāvatārasaṃjñakaḥ || daśāvatārapūjā syāccakrāṅkasyāsya pūjanāt | ekādaśabhiraiśvaryamadhikaṃ ca prayacchati || pūjito bhaktibhāvena cakratīrthaśilodbhavaḥ | tatraiva prāpyate devaścakrairdvādaśabhiḥ śritaḥ || pūjitaḥ sarvakāmānāmanantaphaladāyakaḥ | dvādaśātmā sa vijñeyo bhuktimuktiprado'rcitaḥ || ata ūrdhvaṃ parātmāsau sadā prītivivarddhanaḥ | pūjitaḥ sarvalokātmā viṣṇulokapradāyakaḥ || iti cakrāṅkitāśilāḥ kathitāḥ phalanāmataḥ | ekacakraviṣaye viśeṣaḥ — prayogapārijāte smaryate, ekacakre viśeṣo'sti sa viśeṣastvathocyate | śuklaṃ kṛṣṇaṃ tathā raktaṃ dvivarṇaṃ bahuvarṇakam || yadyekacakriṇaḥ syuśca teṣāṃ saṃjñā bhavetkramāt | puṇḍarīkaḥ pralambaghno rāmo vaikuṇṭha eva ca || viṣvaksena iti brahman teṣāṃ pūjāphalaṃ śṛṇu | mokṣaṃ mṛtyuṃ vivādaṃ ca dāridryamaṭanaṃ tathā || dadāti pūjakasyāsya tasmāttāṃ tu parityajet | iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (3)
- Lakṣaṇaprakāśa (Mitramiśra) — Mitramiśra, Sanskrit
- Devatāmūrttiprakaraṇa — Maṇḍana Sūtradhāra, Sanskrit
- Devatāmūrtiprakaraṇa (Maṇḍana Miśra) — Maṇḍana Miśra, Sanskrit