Viramitrodaya 11.p30
Vīramitrodaya 11.p30
- Language
- Sanskrit
11.p30
dhārāṣṭakena vā yuktamabhiṣekāya kalpayet | vyākośapaṅkajākāraṃ śuddhamuttamalohajam || āḍhakāparimāṇāmbhaḥpūrayogyaṃ mahābilam | hastadīrghaṃ jalasrāvi pārśvamānopaśobhitam || kalpayedaparaṃ snānapātraṃ muktāpariṣkṛtam | yadvā śaṅkhanibhākāramagrato jalanālakam || iti | ityabhiṣekapātralakṣaṇam| atha tripādīlakṣaṇam | siddhāntaśekhare, catuḥṣaṣṭibhirmātrairunnatā vistṛtā tridhā | uttamādivibhedena yantrikā tripadī matā || tricakrapādasaṃyuktā pādā ttdadhaim̐ siṃhavaktrakam | pādamadhyaṃ suvṛttaṃ syāccharāvābhaṃ pado'pyadhaḥ || śeṣaṃ kuryādyathāśobhaṃ tripādīti prakīrttitā | arghyaśaṅkhādinaivedyapātrādhārā tripādikā || iti | iti tripādīlakṣaṇam
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit