Viramitrodaya 7.p39

7.p39

ete devagajāḥ sarve bhūtale na bhavanti hi | daivayogāddhane prācye teṣāṃ kaścidyadā bhavet || vandanīyaśca pūjyaśca nāsau grāhyo narādhipaiḥ | divyavarṇāstvime proktāḥ praśastān śṛṇu sāmpratam || lohitaścaiva kṛṣṇaśca śyāmo varṇatrayaṃ śubham | snigdhacchāyāsamāyuktaṃ bhavedbhūtaladantinām || gośṛṅgāṅgārabhasmāsthipaṅkamāñjiṣṭhasannibhāḥ | mlānapuṣpasavarṇāśca gajāstvete'tininditāḥ || evaṃ varṇaviśeṣāstu kathitāstava suvrata | gajamekādaśaguṇaṃ vakṣyamāṇaṃ nibodha me || madhusannibhadantaśca śyāmo madhunibhekṣaṇaḥ | udare pāṇḍuvarṇaśca vaktre ca kamalaprabhaḥ || dvirephasamavālaśca kundendusadṛśainarkhaiḥ | dvirepho bhramaraḥ | bālāḥ pucchasthāḥ keśāḥ | cūtapallavameḍhraśca śeṣeṣvaṅgeṣu pītakaḥ || vicitraṃ ca mukhaṃ yasya raktaiḥ śvetaiśca bindubhiḥ | sa nāgo gajayūthānāṃ madhye rājā tu jāyate || taṃ prāpya nṛpatirbhuṅkte sāgarāntaṃ mahītalam | yo vai savarṇasaṃsthānaḥ sa gajo gaja Old? gajanāśanaḥ || mukhe meḍhe ca haste ca karṇodaraśiraḥsu yaḥ | keśaiḥ śubhraiśca pṛthulairvindubhiḥ parimaṇḍalaiḥ || savarṇo yo bhavedvarṇaḥ kilāsaḥ so'bhidhīyate | iti | hṛdayaprabandhe, tatrāpi śvetavarṇena śukabarhamaṇitviṣā | śuddhahemarucā cetoḥ surārhā na nareṣu vā || nṛṇāṃ tu hṛdayāḥ kṛṣṇāḥ śyāmāśca kariṇaḥ smṛtāḥ | sve sve varṇe ca susnigdhā niḥsandigdhāśca śaṃsitāḥ || harirmadhusavarṇaḥ syātkṛṣṇaścāñjanasannibhaḥ | na kālo na harirnāgo madhyamaḥ śyāma iṣyate || eteṣu ca trivarṇeṣu harivarṇo varo mataḥ | madhyamaḥ śyāmavarṇaśca kaniṣṭhaḥ kṛṣṇavidyutiḥ || śvetaistanūruhairāptaḥ samantādekakūpajaiḥ | sūkṣmabinducito hastī harivarṇo mahāvaraḥ || iti | iti varṇalakṣaṇam | atha gandhalakṣaṇam | hemādrau hṛdayaprabandhe,