Viramitrodaya 9.p35
Vīramitrodaya 9.p35
- Language
- Sanskrit
9.p35
gaṇakṛte'śvāyurvede, ata ūrdhvaṃ pravakṣyāmi anūkaṃ tu caturvidham | gatyā svareṇa rūpeṇa sattvena ca śubhāśubham || tatra sattvagataṃ jñeyamanūkaṃ sattvalakṣaṇam | trividhasya tu sattvasya bhedāḥ kārtsnyena kīrtitāḥ || te anūkāni jñeyāni praśastānītarāṇi ca | paradehākṛtinibhaṃ rūpaṃ kāye vibhāvayet || śubhāśubhasvarānūkaṃ yaduktaṃ svaralakṣaṇam | gatyanūkamiti jñeyaṃ svarānūkaṃ yathā tathā || evaṃ caturvidhaṃ tvetadanūkaṃ śubhanirmitam | siṃhādirāviṇo ye'śvāḥ svarānūkāḥ śubhāvahāḥ || te varddhayanti nṛpateḥ koṣṭhāgāraṃ vasūni ca | dhvāṅkṣādirāviṇo ye ca ye cāpyaśubhalakṣaṇāḥ || siṃhādigatayo ye tu gatyanūkena te śubhāḥ | viparītā na śasyante etaccānūkalakṣaṇam || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit