Viramitrodaya 9.p49

9.p49

gaṇḍajaścaiva bhartāraṃ hantyāvartto durāsadaḥ | aśrupātaḥ samuddiṣṭaḥ pradeśaścakṣuṣoradhaḥ || tatrāvartto bhaveddīnaḥ svāminaḥ kulanāśanaḥ | apāṅgād vyaṅgule caiva pradeśaḥ śaṅkha ucyate || tasmin bharturvināśāya bhavedvāhasya romajaḥ | bhruvordeśe samudbhūta āvartto naiva pūjitaḥ || suhṛdviyogakṛtsa syādbhartturarthāvasādakaḥ | savyagrīvāṃ śirāṃ vidyāttatrāvarttastu kutsitaḥ || kakṣayoścāpi saṅgrāme svāminaṃ vāśu ghātayet | cibukasya samīpastho vāmadakṣiṇabhāgataḥ || pradeśastu hanurnāma tatrāvartto hi dāruṇaḥ | adharoṣṭhe nigālasya madhye vā gala ucyate || tatrāvarttaḥ smṛto bhartuḥ saṅgrāme jīvitāntakṛt | kūrcādaṣṭāṅgulaṃ cordhvaṃ pārśvataśca kalā smṛtā || tatra bhartuḥ śarāghātairjīvitāntaśca romajaiḥ | kakudaṃ vṛṣabhasyeva suvyaktamupalakṣyate || vājino yatra tatrastha āvarttastu vināśakṛt | kakudasya purobhāgasamīpe vaha ucyate || bhartuḥ sutasametasya tasminnāśāya romajaḥ | kākase sa tu yasya syādāvartto'śvasya dāruṇaḥ || raṇe hataḥ samaṃ bhartrā kravyādaiḥ sa vilupyate | kroḍe caitrāsane vāpi hṛdaye yasya vājinaḥ || āvarttaḥ svāmighātāya bhavatyeva na saṃśayaḥ | pārśvayo romajau yasya sa cāśvo nṛpatiṃkṣayam