Viramitrodaya 9.p48

9.p48

ataḥ paraṃ pravakṣyāmi āvarttānāṃ viniścayam | śubhāśubhaviveqāya yathā śāstre vyavasthitam || viṃśatistu śubhā proktā ṣaṇṇavatyo'śubhāḥ smṛtāḥ | uttaroṣṭhe prapānaṃ syāttatrāvarttaḥ śubhāvahaḥ || sṛkkiṇyośca tathā proktāḥ sarvakāmaphalapradāḥ | trayaścaivātha catvāro vājino yasya romajāḥ || dvau vā lalāṭajau yasya sa tu dhanyatamaḥ smṛtaḥ | ānupūrvyā'vasthitāste vordhvaṃ lalāṭajāstrayaḥ || niḥśreṇī nāma sā khyātā bhartuḥ sarvārthasādhinī | śiraḥkeśāntayormadhye sruvo nāmnā vidhīyate || tatrāvarttaḥ sthito'śvasya bharturjayavivarddhanaḥ | ghaṇṭābandhasamīpastho nigālaḥ kīrttito budhaiḥ || tasmin devamaṇirnāma romajaḥ śubhakṛt smṛtaḥ | karṇamūle tathā bāhvoḥ keśānte mastake tathā || āvarttāḥ pūjitā nityaṃ viśeṣeṇa tu mastake | āvarttā yasya catvāro vājino vakṣasi sthitāḥ || ekaḥ kaṇṭhe bhavetspaṣṭaḥ sa dhanyaḥ sarvakāmadaḥ | randhre caiva sadā bhartuḥ śaṃsitārthaprado mataḥ || uparandhrodbhavaścaiva romajaścātipūjitaḥ | śaṅkhacakragadāpadmaśaktivajropamāśca ye || viśeṣeṇa śubhāḥ proktā romajāḥ śubhadeśajāḥ | ata ūrdhvaṃ pravakṣyāmi romajānaśubhoditān || bharttuḥ kleśātrahān sarvān dhanaprāṇāpahārakān | nāsikāpuṭayormadhye pradeśaḥ protha ucyate || tatra bhartturvināśāya romajo'śvasya kīrtitaḥ | ūrdhvaṃ ca nāsikācchidrātsvāminaḥ kleśakārakaḥ