Viramitrodaya 9.p53

9.p53

vṛṣaṇābhyāṃ sastanābhyāṃ jātastanyabhidhīyate | tribhiḥ karṇaistrikarṇī ca vyāghrābho vyāghravarṇakaḥ || ekenāṅgena hīnena nimnena ca viśeṣataḥ | yamajaṃ vājinaṃ vidyādvāmanaṃ vāmanākṛtim || varṇādikena pādena anyavarṇena yo hayaḥ | muśalīti sa vikhyāto bhartuḥ kulavināśanaḥ || atha cedvaḍavāyāṃ tu virodhamadhigacchati | nigūḍhavṛṣaṇāravyastu sarvavyādhikaraḥ sadā || virodhaṃ yo na vai yāti dṛṣṭvāśvānmuṣkavarjitaḥ | indravṛddhiḥ sa vikhyāto bhartuḥ kulavināśanaḥ || dvivarṣaṃ tu samārabhya yāvatsyātpañcavārṣikaḥ | dantānāṃ muṣkayoścaiva sambhavo vājinaḥ smṛtaḥ || ataḥ paraṃ na jāyante muṣkau dantāśca vājinām | aśubhaṃ tu phalaṃ vācyamabhāvena tatastayoḥ || ete doṣānvitā vāhāstyājyā vai bhūtimicchatā | dhanaprāṇaharā hyete bandhuvigrahakārakāḥ || surathasya gataṃ rājyaṃ kakudasyaiva dūṣaṇāt | hatāḥ kañcukibhiḥ karṇo'dhikadantaiśca pāṇḍavāḥ || saśṛṅgastanadoṣeṇa sustanī saṅgare kṣayam | (?) jānvāvartīyadoṣeṇa pañcatvaṃ rāvaṇo gataḥ || iti