Viramitrodaya 9.p68

9.p68

sampadyate | tataśca dhātūnāmanekārthatvāt gamerapi jñānārthatvaṃ yuktameva | dhātūnāmanekārthatvaṃ coktammahābhāṣye, vapiḥ prakiraṇe dṛṣṭaśchedane vāpi varttate | iti | atra śālaśabdo dantyādistālavyādiśca | tatrādyaḥ sala gatau ityasmāddantyāderdhātoḥ salyate gamyate iti karmaṇi ghañi vṛddhau ca | sāraśabdādvābhūmanindāpraśaṃsāsu nityayoge'tiśāyane | saṃsarge'stivivakṣāyāṃ bhavanti matubādayaḥ || iti vārttikakāravacanāt atiśāyane arśa ādvyaci kṛte ralayorekatvasmaraṇāt sāla iti | tathā carāyamukuṭe, puṃsi bhūruhamātre'pi sālo varaṇasarjyoḥ | iti dantyādau rabhasādeḥ | sālakānanaśobhini | iti daṇḍī ca | sālaḥ pādapamātre syātprākāre sarjakadrume | iti viśvaḥ | sālo vṛkṣāntare durge-ityanekārthaḥ | dvitīyastu śala gatāvityasmāddhātoḥ śalati vāyunā calatīti karttari ‘jvalitikasantebhyo ṇa’ iti ṇe kṛte sidhyati | śālo hāle nṛpe matsyaprabhede sarjapādape | iti viśvaḥ | atra rāyamukuṭe-“anokahaḥ kuṭaḥ śāla” ityetadamaraślokavyākhyānāvasare sala gatau sālo dantyādiḥ salati vāyunā calati “jvalitikasantebhyo ṇa” iti ṇo vā | puṃsi bhūruhamātre'pi sālo varaṇasarjyoḥ