Brihajjataka 8.6

Daśādhyāyī 8.6

Language: Sanskrit

8.6

bhraṣṭasya tuṅgāditi| atituṅgāt bhraṣṭasyātinīcabhāvāvadhideśasthāne ‘avarohi’ saṃjñā daśā| atinīcāt paricyutasya atyuccabhāgāntarasthitau ārohiṇī daśā| etaduktaṃ bhavati| paramocce yat phalamuktaṃ tasmādārabhya krameṇa hrasati paramanīce śūnyā bhavati| tatrāpi suhṛduccabhāṃśādi sthitivaśāt tatphalasyotkarṣāpakarṣau jñeyau| punarayamupadeśa ucyate| janmalagneśayoryo balavān janmakāle tasyāvarohitve pūrvasmāt tasya grahasyopaghāto bhavati| ārohitve vṛddhirbhavati| evamuccanīcavaśādapi phalañcintyamityuktaṃ bhavati| uccanīcavaśāt mūlatrikoṇagṛhamitrodāsīnaśatrukṣetravaśācca phalaviśeṣaścintyate ityuktam|

Previous: 8.5
Next: 8.7.1
Up: 8

Linked texts (1)

Bṛhajjātaka — Varāhamihira, Sanskrit