Kalasara 18.p63
Kālasāra 18.p63
- Language
- Sanskrit
18.p63
ataeva sapiṇḍīkaraṇavyatiriktāṅgeṣu ekaikapakṣa evādriyate | rājagṛhe tu mahālāyādau ṣāṇmāhāṇabhāvena dvaivināyyādidoṣābhāvāt dhanādhikyācca daive pañcadvayaṃ pitṛvarga pañcadvayaṃ mātāmahavarge'pi pañcadvayaṃ kurvvanti | mātsye, — yaḥ sādhubhiḥ saṃnimantrayet ityanantaram, — tasya te pitaraḥ śrutvā śrāddhakālamupasthitam | anyo'nyaṃ manasā dhyātvā sampatanti manojavāḥ || tathā, — brāhmaṇemya sahāśnanti pitaro hyantaraukasaḥ | vāyubhūtā na dṛśyante bhuktā yānti parāṃ gatim || sādhubhiḥ sanninamantrayedityādi(1) svayaṃ (2)nimantraṇāsambhave | bhavitavyaṃ bhavadbhiśca mayā ca śrāddhakarmaṇi | iti liṅgena svanimanraṇasya mukhyatvāt | yamaḥ, — nimantrito dvijaḥ pitrye niyatātmā bhavetsadā | , na ca chandāṃsyadhīyīta yasya śrāddhaṃ ca tadbhavet || so'pi nādhīyīta ityarthaḥ | hārītaḥ, — (3)pūrvedyurmantritān viprān pitaraḥ saṃviśanti vai | yajamānaṃ ca tāṃ rātriṃ vaseyurniyatātmanaḥ
Linked texts (6)
- Garuḍapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Mānava Dharmaśāstra — Manu & Bhṛgu, Sanskrit
- Gadādharapaddhati — Gadādhara Rājaguru 1725, Sanskrit
- Kālasāra — Gadādhara (Pāraskara commentator), Sanskrit
- Gūḍhārthadīpikā — Vāmadeva, Sanskrit