Kalasara 5.p144

5.p144

athādhikāriṇaḥ | bhaviṣye,– nityametadvrataṃ nāma karttavyaṃ sārvvavarṇikam | sarvāśramāṇāṃ sāmānyaṃ sarvadharmeṣu cottamam || nāradīye,– aṣṭābdādadhikomartyo hyapūrṇāśītivatsaraḥ | yo bhuṅkte mānavaḥ so'ṅgedekādaśyāṃ sa pāpakṛt || tatra vyavasthā, kaurme,– ekādaśyāṃ na bhuñjīta pakṣayorubhayorapi | vānaprasthoyatiścaiva śuklāmeva sadā gṛhī || bhaviṣyottare,– ekādaśyāṃ na bhuñjīta pakṣayorubhayorapi | brahmacārī ca nārī ca śuklāmeva sadā gṛhī || atra nārī vidhavā, vidhavā yā bhavennārī bhuñjītaikādaśīdine | tasyāstu sukṛtaṃ naśyet bhrūṇahatyā dine dine || iti ghoradharmokteḥ, nāsti strīṇāṃ pṛthagdharmo na vrataṃ nāpyupoṣaṇam | iti manūktyā patimatyāstanniṣedhāt | tadanuvṛttau,– āyuṣyaṃ harate patyu rnirakañcaiva gacchati | iti viṣṇūkteśca | yattu ekādaśīprastāve, tat bharttanujñāparam | “bharttṛmatau tathā” iti skānde uktam| yattu ravivārekādaśyāṃ sadhavastrībhiḥ kiñcidbhakṣaṇapūrvakaṃ vrataṃ kriyate, tat,– bhānuvārasamopetā tathā saṅkrāntisaṃyutā | ekādaśī sadopoṣyā putrapautravivarddhinī