Kalasara 7.p7.1

7.p7.1

tathāca prathamaṣaṇmāsābhyantare malamāsapāte'pi ṣaṣṭhamāsapūrvatithiraiva prathamaṣāṇmāsikasya kāla iti siddhāntitatvāt na malamāse'pi ūnaṣāṇmāsikaśrāddhaṃ "yatra vā tatra vā” ityukteḥ| śuddhamāsamṛtasyāpi dvādaśamāsasyādhimāsatve tacaiva sapiṇḍīkaraṇaṃ kāryaṃ | hārītaḥ,– asaṅkrānte hi karttavyamābdikaṃ prathamaṃ dvijaiḥ | laghuhārīto'pi,– pratyabdaṃ dvādaśe māsi kāryā piṇḍakriyā sutaiḥ | kaciccayodaśe'pi syāddādyaṃ tyaktā tu vatsaraṃ || dvitīyavarṣādābdikaṃ śuddhamāsa eva, na male | tathāca, satyavrataḥ,– varṣe varṣe tu yacchrāddhaṃ mātāpitrormṛte'hani | malamāse na karttavyaṃ vyāghrasya vacanaṃ yathā || kintu malamāsamṛtasya kadācittasyaiva māsasya varṣāntare malatve tanmalamāsa eva ābdikamapyanuṣṭheyaṃ | tathāca,— varṣe varṣe tu yat śrāddhaṃ mṛtāhe tanmalīmuce | kuryāttacca pramītānāmanyeṣāmuttaraca tu || paiṭhīnasirapi, - malamāsamṛtānāṃ tu śrāddhaṃ yatprativatsaraṃ | malamāse'pi karttavyaṃ nānyeṣāṃ tu kadācana || nūtanastrīgamanaṃ, vivāhottaraṃ candravandāpanākhyaṃ karma ca malamāse'pi kāryaṃ | tathāca smṛtyantare,sīmantaṃ pretakṛtyaṃ ca navaśasyā navaḥ śamī | malamāse'pi karttavyaṃ nimittavihitaṃ ca yat || nūtamamapi gayāśrāddhaṃ tatra karttavyaṃ, adhimāse janmadine cāste ca guruśukrayoḥ | na tyaktavyaṃ gayāśrāddhaṃ siṃhasthe ca bṛhaspatau || iti vāyupurāṇokteḥ | gaṇeśavrate vicāryyate | skānde gaṇeśavrataṃ prakṛtya, - ekamāsaṃ dvimāsaṃ vā ṣaṇmāsaṃ vatsaraṃ tathā | athavā gaṇanāyasya vrataṃ dvādaśavārṣikaṃ ||