Kalasara 7.p7.3

7.p7.3

śuddhāśvinamāsaśuklapaccāñcāṣṭāṣṭamyantaṃ dināṣṭakaṃ evaṃ militvā sārddhamāsātmakatvaṃ navadinādiṣu pañcasu pakṣeṣu aśaktatayā kāryeṣu āśvinaśuklapratipadi eva samārambhaḥ kāryyaḥ | navāhapañcāhavyahadvyahaikāharūpāḥ pañcapakṣāḥ | teṣu pūrvapūrvāśaktaḥ paraṃ paramekaṃ pakṣameva kuryyāt | etatpace prajāpatiḥ,— upākarma ca iṣṭyaṃ ca kavyaṃ durgotsavaṃ tathā | uttare niyataṃ kuryyāt pūrve tanniṣphalaṃ bhavet || yathā ṣoḍśagrahapakṣe ‘adyārabhya mahāṣṭamīparyantaṃ’ ityullekhāt kadācittithivṛddhau dinādhikye'pi na doṣaḥ| tāvanmāsādhikye'pi na kācitkṣatiriti sarvaṃ susthaṃ | atha harikhāpadakṣiṇāyanayoḥ kārike| yadviṣṇau śayite vratādigaditaṃ yāmyāyane cātra tat kāryaṃ śāradavājapeya itaratkarma pratīkṣāsahaṃ | nārīnūtanasaṃgamo navagayāśrāddhaṃ ca godāvarī,– snānaṃ nūtanacandravandanavidhiḥ sarvaṃ paraṃ pūrvavat || prākpakṣācchayanādūrervitanuyādyāmyāyane karkaṭasthe'rke tauligate'lige'pi sadmārambhapraveśau budhaḥ| udvāhaṃ tanuyādasau ca nikhile yāmyāyane cāgataunyugrāṇāṃ narasiṃhamātṛgirijādīnāṃ pratiṣṭhāvidhiṃ || vināyakavratādīnāṃ ca harikhāpadakṣiṇāyanayorevoktatvāttayorapi teṣāṃ karaṇaṃ| evaṃ śāradvājapeyasyāpi| evamananyagatikaṃ pratīkṣāsahaṃ karmāpi tatra kāryaṃ | prathamaparvānantaraṃ kālavilambe bahutaradoṣasya vakṣyamāṇatvādubhayorapi nārīnūtanasaṅgamaḥ kāryaḥ| gayāśrāddhaṃ pretapakṣaphalādhikyokteraśuddhakāle'pi pratiprasavavacanastotreṇa kāryameva | godāvarīsnānasya siṃhabṛhaspatāveva vihitatvāttatkāryaṃ|