Suryasiddhanta 2.38

Gūḍhārthaprakāśaka 2.38

Language: Sanskrit

2.38

bhujajyā yatparidhiḥ sphuṭīkartumiṣyate tatkendrasya mandaśīghrānyatarasya bhujajyaujayugmāntaraguṇā viṣamasamapadāntīyakendrīyaparidhyorantareṇa guṇitā trijyā bhaktā phalaṃ yugmavṛtte kendrayugmapadāntīyaparidhau | ojāt kendrīyaviṣamapadāntīyaparidheḥ sakāśādūnādhike krameṇa dhanarṇaṃ hīne yuktamadhike hīnaṃ sphuṭaṃ paridhimānaṃ syāt | atropapattiḥ | yugmapadāntīyasyāt paridherviṣamapadāntīyaparidhiryāvatā nyūnādhikastadantaraṃ viṣamapadatvādbhujajayopacitamatastrijyātulyabhujajyayedamantaraṃ tadeṣṭabhujajyayā kimiti phalaṃ yugmaparidhau | ojaparidhernyūnatve ṛṇamadhikatve dhanamiti | viṣamapadaparidheradhikanyūnayugmaparidhāvevardhadhanaṃ kṛtamityupapannam |
atha bhujakoṭiphalānayanaṃ mandaphalānayanaṃ cāha |

Previous: 2.37
Next: 2.42
Up: 2

Linked texts (1)

Sūryasiddhānta — Maya, Sanskrit