Suryasiddhanta 2.45

Gūḍhārthaprakāśaka 2.45

Language: Sanskrit

2.45

sarveṣāṃ grahāṇāṃ śaighre karmaṇi mānde karmaṇi cakāraḥ samuccaye kalātmakaṃ phalaṃ meṣādiṣaḍbhāntargatakendre yutaṃ kāryaṃ tulādiṣaḍbhāntargatakendre hīnaṃ kāryam | cakāro vyavasthārthakaḥ | evakāraḥ phalayorānayanaprakārabhede'pi dhanarṇarītibhedavyavacchedārthakaḥ | atopapattiḥ | pūrvākarṣaṇe grahasya phalaṃ dhanaṃ paścādākarṣaṇa ṛṇamiti prāguktam | tatra grahāduccaparyyantaṃ kendre gṭahīte pūrvākarṣaṇe meṣādikendraṃ bhavati paścādākarṣaṇe tulādikendraṃ bhavatīti tathoktamupapannam |
atha grahāṇāṃ bhujāntaraphalamāha |

Previous: 2.44
Next: 2.46
Up: 2

Linked texts (1)

Sūryasiddhānta — Maya, Sanskrit