Upapattishekhara 28.1.4

28.1.4

kubhāgradairghyakṣitikhaṇḍavargāntarāt padaṃ vā kṣitibhāgrapṛṣṭham
koṭyā hataṃ karṇahṛtaṃ kukhaṇḍaṃ
labdhaṃ bhaved bhūsadṛśapramāṇam
kukhaṇḍa-śītadyutikarṇavargaviyogamūlaṃ tadihādyasaṃjñam
ādyonitaṃ tat kṣitibhāgrapṛṣṭhamantyaṃ ca, tad bhūsadṛśena nighnam
kubhāgrapṛṣṭhena hṛtaṃ phalajyā
syā, dantyasaṃjñaṃ tu bhujena nighnam
karṇena bhaktaṃ hi phalajyakaiva
syād yojanaiḥ, sā triguṇena nighnī
bhaktendukarṇena phalasya cāpaṃ
dvighnaṃ kubhāvyāsa ihendugole
tadvimbakendraṃ tu tadarthacihne,
yadarkagatyā bhavatīndrakāṣṭhām
kugarbhato dūrataraḥ śaśāṅkaḥ
samīpavartī ca sahasrabhānuḥ
yathā yathā syādiha candragole
tathā tathā'lpā kṣitibhā sadeyam
tadvaiparītye tvadhikā, dvayośced
dūrasthitatve nikaṭasthitatve
syāt tāratamyād ravicandrasiddhamadhyākhyakakṣodbhavabhūmibhā'taḥ ||” iti
pṛṣṭhārdhavṛtte vicāraḥ—ravibimbagolakendrāttatpṛṣṭhārdhavṛttapradeśaparyantaṃ ravibimbagolavyāsārdhamitaṃ sūtraṃ bhujarūpam | tataḥ koṭirūpaṃ madhyasūtrasamānāntaragalaṃ yat sūtraṃ tacu
tatpradeśa eva spṛṣṭaṃ nānyatra, paraṃ tadapi prakṛte na kāryakṣamaṃ sarvatra samānāntaritatvena
tasya madhyasūtreṇa saha saṃbandhābhāvāt | atha yanna koṭirūpaṃ tadapi yadravibimbagolapṛṣṭhārdhavṛttād bhūgolapṛṣṭhārdhavṛttaspṛg ṛjusūtraṃ madhyasūtre spṛśati, tādṛśaṃ tu pṛṣṭhārdhavṛttādhaḥpradeśena cāparūpeṇāvarodhānna kathamapi syāt | yadi tu prācīnoktivad