Selections from the Peshwa Daftar 2.109: [21-12-1759] News-letter giving Dattaji Scindia's preparations to meet the onslaught of Abdali's forces, showing that Dattaji did not enter rashly into the conflict.

2.109

श्री.

छ ४ जमादिलाखर

माघ सीतैन

पुरवणी श्रीमंत राजश्री पंतप्रधान स्वामीचे सेवेसी विज्ञापना येसिजे. राजश्री जनकोजी शिंदे व राा दत्ताजी सिंदे नवाब वजिरुल्ममालिक बाहादुर यांसहित शुकुरतालाहून निघाले. ते दरकूच * छ २७ रविलाखरी कुंजपुऱ्यापासी यमुना उतरलें. तेथें बातमी ठीक आली कीं तैमुरशाह अब्दाली जाहानखानासहित व शाहवलीखान व समंदखां वगैरे सर्व सरदारासहित चालसापंन्नासा हजारा फौजेनसी मौजे कलडु व बनोरा व छत येथें येऊन छ २४ माहे मजकुरी शनिवारी दाखल जाला. अंबाल्यापर्यंत हरोलाची फौज उतरली आहे. अंबाला सिरहिंदीहून अलाकडे वीस कोस व कुंजपुऱ्याहून चालीस कोस आहे. डावे उजवे बाजूने व अगाडीकडे फौज ताराज करीतात व दाहादाहा वीस वीस कोस राण सोडवीत जातात. यैसी ठीक बातमी आल्यावर राजश्री दत्ताजी सिंदे यानी दोन फौजा केल्या. येक फौज तो भैंल घोडिये नामी नामी सरदार व कामाची माणसे भरोशाचे लोक जैरारी, पाल पडतल तंबू कनात बराबर नसे येसे निवडून पंचवीस तीस हजार आपल्या बाा घेतली व राा जनकोजी सिंदे याजला बाकीची फौज व तोपखाना घेऊन व नवाब वजीरूल्ममालिक यांस त्यांचे फौज व तोफखान्यासहित आपल्यापासून बारा पंधरा कोसाचे अंतरें मागे पुस्तगर्मीवर ठिवले. व याजमागें आपली व नवाबाची बहीर ठिवली कीं बहीरेचेहि संरक्षण होय व काम पडल्यावर आपलेहि कुमकेस पोहचते. कदाचित अब्दाली कावा करून डावे उजवे येखादी फौज घाबरे करायासाठी बहीरेवर पाठवितील तर हे उभयेता पारपत्य करीत. येसी तजवीज व नेमणुक करून छ ३० राखरी शुक्रवाररी आपण जरारी फौजेनसीं अब्दालीच्या मुकाबल्यावर गेले व राा जनकोजी सिंदे व नवाब वजीर बहीरसहित कूच करून करनालेकडे आले. अब्दालीचे अगाडीचे लोकासी व रोा दत्ताजी सिंदे यांच्या आगाडीचे लोकासी नजरनजर चोटफेटैहि जाली. जुजास प्रारंभ जाला. उद्या परवा खासा दत्ताजी पाटील ह्यांच्या मुकाबल्यावर जाऊन त्याचा घावदाव व जुंजाची तरतूद पाहून बळाबळ तोळून जुंजात जलदी करीतात किंवा धीमेपणे जुंजतात या सर्व गोष्टी व तऱ्हे व त्यांची इंगितें पाहून तदनुरुप आपणही जुंजाची कर्तुद करणार. मागाहून जसजसे वर्तमान होईल तसतसें विनंती करीत जाऊं. बहुत काय लिहिणे. कृपा केली पाहिजे हे विनंती.

[* १८-१२-१७५९.]

[१ शिलेदारांचीं घोडीं.]

[२ संडे.]

[३ हातघाई झीटपीट.]