Nyayacandrika 1.p104

Nyāyacandrikā 1.p104

Language: Sanskrit

1.p104

tatra dvaitasiddhāntamitaḥ sākṣī svaprakāśaḥ svasyaivāntaḥkaraṇataddharmāderapi bhāsakaḥ, iti sākṣibhāsyatvam, ghaṭādigataṃ vṛttiviṣayatvaṃ vā nānātmatvavyāsam, evameva śrībhāṣyasiddhānte'pi dharmabhūtajñānaviṣayatvamātmānātmasādhāraṇam | advaitamate tu naivam ; anyathā tatrāpi sākṣibhāsyatvenātmanaḥ svaprakāśasya kathaṃ nāntaḥkaraṇāderiva, ghaṭāderiva vā nānātmatvam ? tatra yadi prameyatvaṃ nānātmatvaprayojakam ; tasyātmānātmasādhāraṇyāt, tarhi kathamadvaitamate prameyatvamātmānātmatvasādhakaṃ nātmasādhāraṇam ? bhinnarūpatvādātmānātmagataprameyatvasya, iti kathamanubhāvyatva ātmano ghaṭādivadanātmatvaprasaṅgaḥ ? anubhāvyatvasya svarūpaviparyayasādhakatve tu ghaṭasyāpyanubhāvyasyāghaṭatvaprasaṅgaḥ

Previous: 1.p103
Next: 1.p105
Up: 1

Linked texts (1)

Nyāyacandrikā — Ānandapūrṇa Vidyāsāgara, Sanskrit