Prapancahridaya 3.p21

3.p21

aindramaiśvaryamākhyātamāmbaraṃ tu pracakṣate | yathākāmopalabdhitvaṃ yathākāmavinirgamaḥ || sarvasyānuplavaścaiva sarvaguhyārthadarśanam | karmānurūpanirmāṇaṃ vaśitvaṃ priyadarśanam || saṃsāradarśanaṃ caiva bhogairetaiḥ samanvitam | etaccāndramasaiśvaryaṃ mānasaṃ guṇato'dhikam || chedanaṃ tāḍanaṃ caiva bandhanaṃ mocanaṃ tathā | grahaṇaṃ sarvabhūtānāṃ saṃsāraparivartanam || prasādaścāpi sarveṣāṃ mṛtyukālajayastathā | ābhimānikamaiśvaryaṃ prājāpatyaṃ pracakṣate || etaccāndramasairbhāgaiḥ ṣaṭpañcāśadguṇaṃ mahat | sargaḥ saṅkalpamātreṇa troṇaṃ saṃharaṇaṃ tathā || sādhikāṃścai balato lokacittapravartakaiḥ | asādṛśyena sarvasyai nirmāṇaṃ jagatāṃ pṛthak || śubhāśubhasya karaṇaṃ prājāpatyaiśca saṃyutam | etaccatuṣṣaṣṭiguṇaṃ brāhmamaiśvaryamuttamam || bauddhādasmāt paraṃ gauṇamaiśvaryaṃ prākṛtaṃ viduḥ | vaiṣṇavaṃ tat samākhyātamasyaiva bhavane sthitam || brahmaṇā tadguṇaṃ sarvaṃ vettumanyairna śakyate | tatparaṃ pauruṣaṃ gauṇaṃ gāṇeśaṃ pārameśvaram || viṣṇunā tatpadaṃ kiñcidvaktumanyairna śakyate