Prapancahridaya 3.p22

3.p22

vyutthānasiddhayaścaitāḥ sarvā evaupasargikāḥ || niroddhavyaṃ prayatnena vairāgyeṇa pareṇa tu | pratibhādiṣu kṣudreṣu guṇeṣvāsaktacetasaḥ || na bhavet paramaiśvaryamakṣayaṃ sārvakāmikam |” tasmād devāsuramahībhṛtāṃ bhogāṃśca sarvāṃstṛṇavat tyajet| tasya yogasiddhiḥ parā bhavediti | athavā'nugrahāya jagatāṃ svecchayā vihartumicchet | yathākāmaṃ bhogān bhuktvā paścānmuktiṃ prayāti | atha yogasya prayogaṃ vakṣye — “śubhe kāle śubhe deśe śubhakṣetrādike punaḥ | vijane janturahite niḥśabde bādhavarjite || sūpaliptasthale saumye gandhapuṣpādhivāsite | ++muktasamākīrṇe vitānādivicitrite || tathā kuśasamittoyaphalapuṣpasamanvite | nāgnyabhyāśe jalābhyāśe śuṣkaparṇacaye'pi vā || na daṃśamaśakākīrṇe sarpaśvāpadasevite | na ca duṣṭamṛgākīrṇe na bhaye durjanāvṛte || śmaśāne caityavalmīkajīrṇāgāre catuṣpathe | nadīnadasamudrāṇāṃ tīre rathyāntare'pi vā || na jīrṇodyānagoṣṭhādau nāniṣṭe na ca nindite | na jīrṇāmarasodvāre na ca viṇmūtravāsite || nacchrdyāṃ nātisāre ca nātibhuktaśramānvitaḥ