Prapancahridaya 3.p23

3.p23

na cāticintākulito na cātikṣutpipāsitaḥ || nāpi svagurukarmādau prasakto yogamācaret | yuktāhāravihāraśca yuktaceṣṭaḥ svakarmasu || yuktanidrāvabodhaśca sarvoyuktavivarjitaḥ | āsanaṃ vipulaṃ ramyaṃ mṛdulaṃ susamaṃ śuciḥ || mṛducarmaparīdhānamathavānyacchubhaṃ sukham | kalpayitvā samāruhya samasthirasukhaṃ yathā || padmakāstikādīnāmabhyastenāsanena tu | natvā gurugaṇeśādīnapi vandyānanukramāt || ṛjugrīvāśirovakṣā nātiśliṣṭoṣṭhalocanaḥ | kiñcidunnāmitaśirā dantairdantānasaṃspṛśan || dantāgrasannidhau jihvāmacalāṃ sanniveśya ca | pārṣṇibhyāṃ vṛṣaṇau rukṣaṃstathā prajananaṃ punaḥ (?) || ūrvorupari saṃsthāpya na bhūtairyagayatnataḥ | dakṣiṇaṃ karapṛṣṭhaṃ tu nyasya vāmatalopari || unnāmya śanakaiḥ pṛṣṭhamuro viṣṭabhya cāgrataḥ | saṃprekṣya nāsikāgraṃ svaṃ diśaścānavalokayan || saṃhṛtaprāṇasañcāraḥ pāṣāṇa iva niścalaḥ | maitryādivāsanāyuktaḥ paraṃ vairāgyamāśritaḥ || svadehāyatanasyāntarvicintya parameśvaram | hṛtpadmakarṇikāmadhye dhyānayajñena pūjayet || mūle vā śāśvate nābhau kaṇṭhe vā tālurandhrake | bhrūmadhye dvādaśānte vā lalāṭe mūrdhni saṃsmaret