Prapancahridaya 3.p24

3.p24

tatra sāvaraṇaṃ vāpi nirāvaraṇameva vā | dvidale ṣoḍaśāre vā dvādaśāre yathāvidhi || daśāre vā ṣaḍaśre vā caturaśreḍathavā smaret | bhruvorantarataḥ padmaṃ dvidalaṃ taḍidujjvalam || madhyasthasyāravindasya kramādvai dakṣiṇottare | vidyutsamānavarṇasya varṇo varṇāvasānake(?) || ṣoḍaśārasya patrāṇi svarāḥ ṣoḍaśakāni vā | pūrvādīni kramādetat padmaṃ kaṇṭhasya mūlataḥ(?) || kekārādiṭhaṃkārāntā varṇā varṇānyanukramāt | bhānuvarṇasya padmasya dhyeyaṃ taddhṛdayāntare || varṇā varṇāni padmasya nābherūpari tiṣṭhataḥ | gokṣīradhavalasyoktā ḍādiphāntā yathākramāt || adhomukhasyāmbujasya śāśvatasya dalāni ṣaṭ | vidhūmāṅgāravarṇasya varṇā bāntādayaḥ kramāt || mūlādhārāravindasya dalāni ca yathākramam | vakārādisakārāntā varṇā varṇamayāḥ sthitāḥ || eteṣvādhārabhedeṣu yatraivābhirataṃ manaḥ | tatraiva devaṃ devīṃ ca cintayed dhīrayā dhiyā || aṅguṣṭhamātramacalaṃ dīpyamānaṃ samantataḥ | śuddhadīpaśikhākāraṃ svaśaktyā parimaṇḍitam || iṣurekhāsamākāraṃ tārārūpamathāpi vā | nīvāraśūkasadṛśaṃ bisasūtrābhameva vā || kadambagolakākāraṃ tuṣārakaṇikopamam