Prapancahridaya 3.p26

3.p26

na ca nirviṣayā buddhiḥ kevaleha pravartate | tasmāt saviṣayaṃ dhyānaṃ sthūlākārasamāśrayem || nirākārātmasaṃvittiryā tu nirviṣayaṃ matam | nirbījaṃ ca sabījaṃ ca tadeva dhyānamucyate || nirākārāśrayatve sā sākārāśrayatastathā | tasmāt saviṣayaṃ dhyānamādau kṛtvā sabījakam || ante nirviṣayaṃ kuryānnirbījaṃ sarvasiddhaye | prāṇāyāmena sidhyanti divyāḥ śāntyādayaḥ kramāt || śāntiḥ praśāntirdīptiśca prasādaśca tataḥ param | śamaḥ sarvasya pāpasya śāntirityābhidhīyate || tamaso'ntarbahirnāśaḥ praśāntiḥ parigīyate | bahirantaḥprakāśo yaḥ sa dīptiriti kathyate || svacchatā yā tu sā buddheḥ prasādaḥ parikīrtyate | karaṇāni ca sarvāṇi bāhyānyābhyantarāṇi ca | buddheḥ prasādtaḥ kṣipraṃ prasannāni bhavantyuta || dhyātā dhyānaṃ tathā dhyeyaṃ yacca dhyānaprayojanam | etaccatuṣṭayaṃ jñātvā dhyātā dhyānaṃ samācaret || jñānavairāgyasampanno nityanirviṇṇamānasaḥ | śraddhadhānaḥ prasannātmā dhyātā sadbhirudāhṛtaḥ || dhyai cintāyāṃ smṛto dhātuḥ śivacintā muhurmuhuḥ | avyākṣiptena manasā dhyānamityabhidhīyate || buddhipravāharūpasya dhyānasyāsyāvalambanam