Prapancahridaya 3.p29

3.p29

bhikṣāmātrapradānena yogināṃ tat phalaṃ labhet || yajñāgnihotradāneṣu tīrthavedeṣu yat phalam | jñānināmannadānena tat samagraṃ phalaṃ labhet || ye punaḥ satataṃ bhaktā bhavanti jñānayoginām | te vindanti mahābhogānante yogaṃ ca śāśvatam || bhogayogārthibhistasmāt saṃpūjyā jñānayoginaḥ | pratiśrayānnapānādyairye tu(1) prāvaraṇādibhiḥ || yogadharmaḥ susāratvādabhedyaḥ pāpamudgaraiḥ | vajrataṇḍulavat tasmāt tasyānto naiva vidyate || vartamāno'pi yāpyena yogī tena na lipyate | vartamānaṃ sadā (ye?ke)na padmapatraṃ yathā tathā || yadvanmantrabalopetaḥ krīḍan sarpairna dṛśyate | krīḍan na dṛśyate jñānī tadvadindriyapannagaiḥ || yasmin deśe vasennityaṃ jñānayogarato muniḥ | so'pi deśo bhavet pūtaḥ sa pūta iti kiṃ punaḥ || tasmāt sarvaṃ parityajya kṛtyamanyad vicakṣaṇaḥ | sarvaduḥkhaprahāṇāya jñānayogaṃ samabhyaset || siddhayogaphalo dehī lokānāṃ hitakāmyayā | bhogān bhuktvā yathākāmaṃ vihara(nvā?tyā)tmavṛttayā || sarvaṃ śarīriṇā sādhyaṃ śarīraṃ khalu durlabham | tat kālavañcanenaiva kṛtyā dehaṃ pratiṣṭhitam || jñāne ca yoge cābhyāsānnityaṃ kuryād vicakṣaṇaḥ | sarveṣāṃ mṛtyukālastu svasvaśvāsaprakalpitaiḥ