Establishment of Brahman 2.36

Tattvasamīkṣā 2.36

Language: Sanskrit

2.36

nanvayamasti vyāvṛttinibandhanaḥ sarvajanīno vyava(hāraḥ, na ca kālpani)katva upapadyate| na jātu kalpitavahnibhāvaḥ khadyoto dahati pacati cetyata āha- bhedavyavahāraśceti| na hi sarvo vyavahāro yathā(vastvityaikāntikama)yathāvastvapi, yathāvabhāsaṃ vyavahārasiddheravaśyābhyupeyatvātsarvapravādibhirityarthaḥ| vyākhyāya kāṇḍasamāptisūcanīṃ kāri(kāṃ paṭhatiyathānuvṛ)ttavyavahārasiddhiṃ yathāvabhāsaṃ kathayanti bāhyāḥ| tathaiva bhedavyavahārayogaṃ vadanti vedāntavivekabhājaḥ|| ⊗|| vācaspatimiśravira[ci]tāyāṃ brahmasiddhipaṃjikāyāṃ tattvasamīkṣāyāṃ prathamakāṇḍaḥ samāptaḥ||

Previous: 2.35
Next: 2.138
Up: 2

Linked texts (1)

Brahmasiddhi — Maṇḍana Miśra, Sanskrit