Establishment of Brahman 4.12

4.12

vidhimantareṇa na kāryopadeśapratītiḥ | yathāvasthitaṃ vastu, tadvidhasyānuvādamātratvaṃ gamyate | anuvādaśca pramāṇāntaraviṣaya iti tadapekṣo bhūtārtho nārtha ucyata iti sāpekṣatvādaprāmāṇyam | vidhyarthasya tu pramāṇāntarāviṣayatvāttanniṣṭhamanapekṣaṃ pramāṇaṃ karmavidhivākyavat | pramāṇāntarāviṣayaśca vidhyarthaḥ | na hi 'kuru' iti śabdajñānādanyataḥ pratītiḥ | evaṃ ca sati tattvapratipattipare vākye yadyapi vākyārthabodhātparācīnā pravṛttirvidhiphalaṃ nāsti | prāmāṇyāyaiva tu vidhiniṣṭhatvameṣitavyamiti | atha mā bhūcchābdabrahmavijñānātparācīnā pravṛttirvidhiphalam, tatprāmāṇyāpattervidhirāśrayitavyaḥ, tathā hi tasya kāryarūpasya mānāntarāpūrvasyābhidhāyakaṃ vacanamanadhigatamarthaṃ bodhayadanapekṣatayā prāmāṇyamaśnute ⸤(f. 134ʳ) bhūtārthaṃ tu loke mānāntarāpekṣamarthamavagamayadanuvādakaṃ dṛṣṭamiti vaidikamapi bhūtārthatayā tathā syāt | tasmātprāmāṇyāyaiva vidhirajñātajñāpakatayaiṣitavya iti⸥| codayati – anye punarāhuḥ – vidhirvineti | na hi kurviti śabdaviṣayājjñānāda-