Bhagavadgita 4.32

4.32

yadṛcchayeti | he pārtha pṛthāputra, yadṛcchayaivopapannaṃ ayatnaprāptamapāvṛtaṃ codghāṭitakapāṭaṃ svargadvāraṃ svargaprāptidvārabhūtaṃ yuddhamīdṛśaṃ sukhinaḥ svargasukhārthinaḥ dhanyāḥ kṣatriyāḥ puṇyena labhante | bhāgyavatāmevedṛśaṃ yuddhamabhyāgacchatītyarthaḥ | yuddhe mṛtasyāpyasti svargasukhamityata ubhayathāpi phalahetutvādavaśyaṃ yuddhaṃ kartavyamityarthaḥ |
mumukṣormokṣasādhane vidhyukte svadharme pramādo māstviti jñāpayituṃ svadharmatayā kartavyatvena prāptasya yuddhasyākaraṇe pratyavāyā'kīrtyādyanarthaparamparā āyāsyatīti nayabhayābhyāmarjunaṃ svadharme pravartayati pañcabhiḥ | tatrāyena hiṃsārūpatvādoṣāya bhavatīti vā teṣu svīyatvabhrameṇa vā svadharme yuddhaṃ tyakṣyasi cetpratyavāyaḥ kīrtināśaścobhābhyāmihaparalokabhraṃśaḥ syādityāha-