Bhagavadgita 4.57

Tātparyabodhinī 4.57

Language: Sanskrit

4.57

ya iti | yaḥ samādhau pravṛtto yatiḥ sarvatra kanthākaupīnādiparigrahe dehajīvane'pyanabhisnehaḥ atyantāsaktirahito bhavati | prārabdhavaśādāgataṃ yacchubhamanukūlaṃ tannābhinandati, yadaśubhaṃ pratikūlaṃ tat na dveṣṭi | harṣaviṣādarahito bhūtvā sarvatra samabuddhiḥ san samādhāveva tiṣṭhati tasyaiva prajñā pratiṣṭhitā syājjñānaniṣṭhā sidhyati netarasyetyarthaḥ |
yadyapi jñānaniṣṭhāsiddhermahadvairāgyaṃ tīvramokṣecchā tatparatvaṃ caitattritayameva kāraṇaṃ tathāpīndriyanigrahābhāve vairāgyādi jñānaniṣṭhā ca na sidhyatītyataḥ sādhakasya yateryatnata indriyajayaḥ saṃpādyaḥ prajñāsiddhyā ityāha-

Previous: 4.56
Next: 4.58
Up: 4

Linked texts (1)

Bhagavadgītā — Vyāsa, Sanskrit