Bhagavadgita 4.60

Tātparyabodhinī 4.60

Language: Sanskrit

4.60

yatata iti | hi yasmātkāraṇādyatataḥ samādhinā jñānasyā'pratibandhatvasiddhaye prayatnaṃ kurvataḥ | samādhau tiṣṭhato'pītyarthaḥ | vipaścitaḥ viṣayajātaṃ māyikamasattucchamiti viṣayapravṛttirbandhāya bhavatīti ca vijānato'pi puruṣasya mumukṣormanaḥ | manute brahmaneneti manaḥ | sarvatra sadavalokanakāraṇam | indriyāṇi pramāthīni pramathituṃ viṣayadarśanamātreṇa vyākulīkartuṃ śīlaṃ yeṣāṃ tāni pramāthīnīndriyāṇi rāgādidoṣagrastāni | prasabhaṃ balātkāreṇāsya paśyataḥ sato vivekayuktamapi manaḥ haranti gṛhītvā viṣayeṣu pātayanti | svarūpāccyāvayantītyetadindriyanigrahamakurvataḥ svarūpabhraṃśa eva viduṣo mahānanarthaḥ |
yasmādevaṃ tasmādindriyasaṃyamavata eva sthitaprajñatvamāha-

Previous: 4.59
Next: 4.61
Up: 4

Linked texts (1)

Bhagavadgītā — Vyāsa, Sanskrit