Bhagavadgita 3.47

Gūḍhārthacandrikā 3.47

Language: Sanskrit

3.47

te iti jñānimātropalakṣaṇam| jñānino'pi tava karmaṇyevādhikāraḥ na phaleṣu phalakāmeṣu| mokṣapratibandhakatvāt| ajñāninaḥ kāmeṣvadhikāro nāstīti kimu vācyam ?² brahmāparokṣajñāne kāmānāṃ pratibandhakatvāt|
nanu mayedaṃ bhoktavyamiti buddhyābhāve'pi karma svasāmarthyādeva phalaṃ janayiṣyatīti cet, netyāha - karmaphalaheturbhūḥ phalakāmanayā hi karma kurvan phalasya hetuḥ = utpādako bhavati| tvaṃ tu niṣkāmaḥ san karmaphalaheturmā bhūḥ| nahi
niṣkāmeṇa bhagavadarpaṇabuddhyā kṛtaṃ madārādhanarūpaṃ karma matprītyatiriktaphalāya kalpate| nanu yadi phalaṃ neṣyate, tarhi kiṃ karmaṇā duḥkharūpeṇa ? iti| tatrāha - mā te saṅgo'stvakarmaṇi karmaṇo matprasādarūpamahāphalahetutvena niṣphalatvābhāvāt|
pūrvoktameva vivṛṇoti - yogastha iti||

Previous: 3.46
Next: 3.48
Up: 3

Linked texts (1)

Bhagavadgītā — Vyāsa, Sanskrit