A Cluster of Nyāya Flowers 1.2.141
Nyāyamañjarī 1.2.141
- Language
- Sanskrit
1.2.141
sthaviraḥ—vṛddhaḥ . saṃjñopadeśāt—saṃjñāsaṃjñisambandhajñāpakāt . asya vākyādityatrānvayaḥ . ayamatra bhāvaḥ—śrutapanasapadena puruṣeṇa vṛkṣasāmānye pratyakṣato gṛhīte ko'yaṃ vṛkṣaḥ iti saṃśaye sati viśeṣasaṃjñābodhakaśabdaśravaṇavaśāt panasaśabdavācyatvaprakārakaṃ purovartivṛkṣaviśeṣyakaṃ ca ayaṃ panasaḥ iti jñānaṃ jāyate . nedaṃ kevalaṃ pratyakṣaṃ, śabdaśravaṇasyāpyapekṣaṇāt . ataḥ śabda-indriyobhayajajñānavyāvṛttyarthaṃ avyapadeśyapadamiti ..