A Cluster of Nyāya Flowers 1.4.174
Nyāyamañjarī 1.4.174
- Language
- Sanskrit
1.4.174
athocyeta—anādirevaiṣā cikitsakasmṛtiḥ, vyākaraṇādismṛtivat . saṃkṣepavistaravivakṣayaiva carakādayaḥ kartāraḥ, na tu te sarvadarśinaḥ . na ca smṛtāvandhaparaṃparādoṣaḥ, samūlatvāt . yathā vyākaraṇasmṛteḥ śiṣṭaprayogo mūlaṃ, evamihānvayavyatirekau . śiṣṭavirodhe sati yathā mūlavirodhinī pāṇinyādismṛtirapramāṇam, tathā cāhuḥ iha na bhavatyanabhidhānāt vārtikam iti . evaṃ vaidyasmṛtirapi anvayavyatirekaviruddhā na pramāṇamiti—tadetadayuktam— anvayavyatirekayoryathoktanayena paricchedāsambhavena tanmūlatvānupapatteḥ ..