A Cluster of Nyāya Flowers 2.1.140
Nyāyamañjarī 2.1.140
- Language
- Sanskrit
2.1.140
prāptirapi dṛśyasyaivārthakriyākāriṇo vastunaḥ, pāraṃparyeṇa tanmūlatvātkāryaprabandhasya . dṛśyāddarśanaṃ, tato vikalpaḥ, tataḥ pravṛttiriti . arthaṃ hi mūlavartinamupalabhya pravartamānastamāpnoti . apavarakanihitamaṇiprasṛtāyāṃ kuñcikāvivaranirgatāyāmiva prabhāyāṃ maṇibudhyā pravartamānaḥ . yatra tu mūle'pyartho nāsti, tatra vyāmohāt pravartamānaḥ vipralabhyata eva, dīpaprabhāyāmiva tathaiva maṇibuddhyā pravartamānaḥ ..