A Cluster of Nyāya Flowers 2.2.466
Nyāyamañjarī 2.2.466
- Language
- Sanskrit
2.2.466
atrābhidhiyate—yattāvadidamavādi—gavādiśabdavat anādiprabandhasiddhameva gāvyāderapi vācakatvamiti—tatrāmuṃ pakṣaṃ saṃśayadaśāmeva tāvadāropayāpaḥ . pūrvapākṣikoktayuktisamutthāpitasthirataraviparyayajñānasamanantaraṃ sahasaiva samyagjñānotpādanātibhārāt bhāraikadeśāvataraṇanyāyena saṃśayastāvadupapadyate . tataḥ tarkāt pariśodhite'dhvani sugame sukhaṃ vihariṣyati samyaṅnirṇayopāyo nyāya iti taducyate . yadi gāvyādīnāṃ gavādīnāmiva śabdānāṃ prayoge gatiranyā na kācit saṃbhāvanābhūmimadhyeti, tat satyamādisattāyāḥ kalpane ko'vasaraḥ ..