A Cluster of Nyāya Flowers 2.2.467
Nyāyamañjarī 2.2.467
- Language
- Sanskrit
2.2.467
yathāhi svādhyāyādhyayanasamaye yādṛśameva śabdaṃ yathoditamātrānusvārasvarādisvarūpasamutthaṃ tamuccārayatyācāryaḥ, tādṛśameva taṃ śiṣyaḥ pratyuccārayati . pramādyantaṃ vā gururevainamanuśāsti . ā taduccāraṇasāmarthyopajananaṃ tāvat na muṃcati, śikṣayati . so'pi śiṣṭaḥ yadā gururbhavati, tadā svaśiṣyaṃ tathaiva śikṣayiṣyati . ācāryo'pi yadā śaiśave śiṣya āsīt, tadā'nyena guruṇā śikṣito'bhūt . so'pi tadanyena . so'pi tadanyenetyevamanāditvaṃ jaiminīyapakṣe, ā jagatsargātprabhṛti pravṛttatvaṃ vā naiyāyikapakṣe vedasya vyavasthitam ..