A Cluster of Nyāya Flowers 2.6.189

Nyāyamañjarī 2.6.189

Language: Sanskrit

2.6.189

tatrā hi arthātmake hetau lakṣye paṃcamīmapāsya uvāharaṇasādharmye sādhyasādhanaṃ hetuḥ iti sūtraṃ paṭhanti . vyācakṣate ca sādharmyaṃ heturityucyamāne gandhavattvāderasādhāraṇahetoḥ sādhyadharmivyaktibhedavṛttitvena sādharmyarūpasaṃbhavāt, viruddhasya ca pakṣavipakṣavṛtteḥ tatsādharmyasvabhāvattvāt hetutvaṃ prasajyata iti tannivṛttyarthaṃ udāharaṇagrahaṇam . udāhriyate'smin sādhyasādhanayoḥ prayojyaprayojakabhāva ityudāharaṇaṃ dṛṣṭāntaḥ . tena sādharmyaṃ kasyeti prakṛtatvāt pratyāsatteśca sādhyadharmiṇa ityavagamyate . udāharaṇasādharmye sādhyadṛṣṭāntadharmisādhāraṇo dharmo heturiti nāsādhāraṇādau tathāviprasaktiriti ..

Previous: 2.6.188
Next: 2.6.190
Up: 2.6

Commentaries (1)

Nyāyamañjarīgranthibhaṅga — Cakradhara, Sanskrit