A Cluster of Nyāya Flowers 2.6.30
Nyāyamañjarī 2.6.30
- Language
- Sanskrit
2.6.30
bhavatvevam ! asādhāraṇadharmasya tu kathaṃ saṃśayakāraṇatvamiti cintyam . viruddhaviśeṣānusmaraṇakāraṇakaṃ hi saṃśayamāhuḥ . viśeṣāṇāṃ ca smaraṇahetoḥ saṃskārasya tadudbodhakaṃ bhavati, yena sahaite pūrvaṃ paryāyeṇopalabdhāḥ . asādhāraṇadharmasya tu asādhāraṇadharmatvādeva na kenacitsaha pūrvaṃ grahaṇamabhavat . bhāve tu asādhāraṇadharmataiva hīyetetyataḥ kathamasau tatsmṛtihetuḥ . vyāvṛttatayaiva tu smṛtihetutve'sya trailokyasmaraṇanimittatā prasajyeta, tato'pi vyāvṛttatvāditi ..