A Cluster of Nyāya Flowers 2.6.31
Nyāyamañjarī 2.6.31
- Language
- Sanskrit
2.6.31
naiṣa doṣaḥ—prakārāntareṇāsya smṛtihetutvāt . iha hi keṣucitkeṣucit asādhāraṇadharmā dharmiṣu bhavantaḥ tadgatasādhāraṇadharmāntarasahacaritā bhavanti . tadyathā pṛthivītvagandhatvādayo dharmāḥ pṛthivyāmasādhāraṇāssantaḥ, snehavattvādidharmāśca tathaivāpsu dravyatvasahacāriṇo dṛṣṭāḥ . rūpādiṣu rūpatvādidharmāḥ guṇatvasahacāriṇaḥ, utkṣepaṇādiṣu utkṣepaṇatvādidharmāḥ karmatvasahacāriṇaḥ . evaṃ prakṛte'pi dharmiṇi kasmiṃścidasādhāraṇo dharma upalabhyamānaḥ kenāpi sādhāraṇadharmāntareṇa sahacarito bhavatīti bhavati viśeṣānusmṛtidvāreṇa saṃśayasādhanam ..