A Cluster of Nyāya Flowers 2.8.78

Nyāyamañjarī 2.8.78

Language: Sanskrit

2.8.78

pakṣapratipakṣau nirṇayalakṣaṇe vyākhyātau . tāveva prakaraṇam . prakaraṇamanativartamānaḥ prakaraṇasamaḥ pratiṣedho bhavati . pūrvasminneva prayoge nityaḥ śabdaḥ, niravayavatvāt, ākāśavat ityevaṃjātīyakaṃ pratiprayogamupanyasya svapakṣamutthāpayati jātivādī . sādharmyagrahaṇaṃ copalakṣaṇam . vaidharbhyeṇāpi pratiprayogopanyāse prakaraṇasama eva pratiṣedho bhavati . ubhayavaidharmyāt prakriyāsiddheḥ prakaraṇasama iti . mūlahetāvapi sādharmyeṇa vaidharbhyeṇa vā prayukte prayogadvayametadveditavyam ..

Previous: 2.8.77
Next: 2.8.79
Up: 2.8

Commentaries (1)

Nyāyamañjarīgranthibhaṅga — Cakradhara, Sanskrit

Linked texts (1)

Text of the Tokyo Indology Student Team — Sanskrit