Nyayasutra 12.22

Nyāyasūtroddhāra 12.22

Language: Sanskrit

12.22

anūktasyeva cedarthādāpattistadā tvatpakṣasya nityatvasya hānerupapattiḥ | nahi tvayā'nityatvamuktaṃ kintu nityatvam | tathā ca nityatvākṣepe nityatvahānirityarthaḥ | nanu tavaivārthapattyā'nuktākṣepo na mamāpīti cedatra brūyāt, tatrāha-anaikāntikatvāccārthopatteriti | na hyekasminnevānte sa matpratipakṣamātra eveyamarthāpattiḥ | kintu svatpakṣe'pi viśeṣābhāvāt | yadi tūktopapādakamanuktamarthādāpadyate nānuktamātramiti nityatvasyoktasyānupapādakamanuktamapyanityatvaṃ nāyāsyatīti brūṣe-tadā śabdo'nitya ityasyoktasyānupapādakaṃ nityatvamiti tadapi nāyāsyatītyarthaḥ |

Previous: 12.21
Next: 12.23
Up: 12

Linked texts (1)

Nyāyasūtra — Akṣapāda Gautama, Sanskrit