Nyayasutra 1.2.4

1.2.4

2] ca śabdo'nitya aindriyakatvādityukte sāmānyamaindriyakaṃ nityamiti nitya evāstviti, hetūpādānamudāharaṇamātrapradarśanāya | na tu heturapi lakṣaṇe vivakṣitaḥ | sūtre pratidṛṣṭāntamātraśruteḥ | kiṃ punarutthānabījamata, nahi yuktyābhāsamapyapratibandhāya, pratidṛṣṭāntamātreṇa bādhapratirodhāvabhidhātumarhati | evaṃ manyate jātivādī | udāharaṇena prādhānyena sādhyamucyate, sādhanamupasarjanatveneti | 'tathā cāya'mityupanayena sarvanāmnā dāṣṭantike pradhānasya pratyavamarśādvaitvabhidhānamanaṅga [m] | pradhānameva sarvanāmnā parāmṛśyata iti vyutpatteḥ | nahi caitro yathā dīrghaḥ, tathā maitraḥ khaṅga iti, kintu tathā dīrgha iti | tadvad yathā ghaṭo'nityaḥ, tathā śabdo'nitya ityatideṣṭavyam; na tu yathā ghaṭo nityaḥ, tathā śabdo [a] kṛtaka iti |