Nyayasutra 5.32

5.32

yadi dṛṣṭāntaghaṭasādharmyāt kṛtakatvāttena saha tulyadharmatopapadyataityataḥ śabde'nityatvaṃ sādhyate tadā sarvvasyaivānityatvaṃ syāt sattādirūpasādharmyasambhavāt nacedamarthāntaragrastamiti vācyaṃ sarvvasyānityatve vyatirekāyahādanumānadūṣaṇe tātparthyāt parasyānyayavyatirekiṇaevānumānatvādityāśayaḥ tathāca vyāptimapuraskṛtya yatkiñciddṛṣṭāntasādharmyeṇa sarvvasya sādhyavattvāpādanamanityasamā sādhyapadādviśeṣasamātovyavaccheda statra sarvvāviśeṣa evāpādyate natu sarvvasya sādhyavattvaṃ yattu anityatvena samā'nityasameti bhāvapradhānonirdeśastathāca anvarthalabdhameva lakṣaṇamiti tanna vahnimān dhūmādityādau mahānasasādharmyāt sattvātsarvvasya vahnimattvaṃ syādityasya jātyantaratvāpatteḥ ācārthyāstu sādharmya vaidharmyasyāpyupalakṣakaṃ yathākāśavaidharmyāt kṛtakatvācchabdo'nityastathākāśavaidharmyādākāśabhinnatvāditaḥ sarvvamevānityaṃ syādityatra sapakṣe yatkiñciddharmeṇetyeva vācyamityāṅkaḥ atra ca vaidharmyasya vipakṣāvṛttitvācca sarvvasya sādhyavattvāpādanaṃ kintvātmādīnāmapyanityatvaṃ syāditi taccārthāntaramityavadheyaṃ pratikūlatarkadeśanābhāsā ceyaṃ |
atrottaramāha|