Nyayasutra 5.33

Nyāyasūtravṛtti 5.33

Language: Sanskrit

5.33

yadi yatkiñcitsādhamryātsarvvasya sādhyavattvamāpādayatastava sādharmyasyāsādhakatvamabhimataṃ tadā tvatkṛtapratiṣedhasyāpyasiddhiḥ tasyāpi pratiṣedhyasādharmyeṇa pravṛttatvāt tathā hyevaṃ sādhyate kṛtakatvaṃ na sādhakaṃ dṛṣṭāntasādharmyarūpatvātsattvādivat atra ca tvadīyahetustvatpratiṣedhyena madīyahetunā kṛtakatvena sattvena ca saha sādharmyarūpastathā cāyamapi na sādhakaḥ syāt |
yadica sādharmyamātraṃ na sādhakamapi tu vyāptisahitamitya bhimataṃ tadā kṛtakatve tadasti natu sattvaiti viśeṣa ityāha |

Previous: 5.32
Next: 5.34
Up: 5

Linked texts (1)

Nyāyasūtra — Akṣapāda Gautama, Sanskrit