Nyayasutra 5.7

5.7

hetoriti sādhakatvamiti śeṣaḥ prāptipakṣe doṣamāha prāptyā'viśiṣṭatvāditi dvayorapi prāptatvāviśeṣāt kiṅkasya sādhakaṃ aprāptipakṣe doṣamāha aprāptyeti aprāptasya sādhakatve'tiprasaṅgāt sādhakatvañcātra kārakajñāpakasādhāraṇaṃ evañca kārakajñāpaka lakṣaṇaṃ sādhanaṃ kāryyajñāpyalakṣaṇena sādhyena sambaddhaṃ sat‌sādhakaṃ cettadā sattvāviśeṣānna kāryakāraṇabhāvaḥ tatsambandhasya prāgeva jñātatvānna jñāpyajñāpakabhāvaḥ prāptayorna janyajanakabhāvaḥ prāpta tvena lavaṇodakayorivābhedādityābhyatyanye tathā ca prāptyā'viśeṣādaniṣṭāpādanena pratyavasthānaṃ prāptisamā yadicāprāptaṃ liṅgaṃ sādhyabuddhiṃ janayati sādhyābhāvabuddhimapi kintena na janayet aprāptatvāviśeṣāt tathācāprāptyā sādhakatvādaniṣṭāpādanama prāptisamā pratikūlatarkadeśena bhāṣe ceme |
anayorasaduttaratve bījamāha |