Lakshanamala 2.1-2.40

2.1-2.40

sādhyadharmasya nityānityavikalpanenānupapattyā pratyavasthānamanityasamaḥ 23, kāryanānātvānumānāt pratyavasthānaṃ kāryasamaḥ 24
tannigrahasthānamiti nikhilanigrahasthānaviśeṣā'nugataṃ nigrahasthānalakṣaṇam | chalādi
bhinnaṃ dūṣaṇāsamarthamuttaraṃ svavyāghātakamuttaraṃ vā jātiḥ, sādharmyasamādicaturviṃśatyanyānyatvaṃ jātitvamityapi sarvajātyanugataṃ pratipattavyam, uddeśyasyānuguṇasabhyag jñānābhāvaliṅgatvaṃ pratijñāhānyādyanyatamatvaṃ vā nigrahasthānasāmānyalakṣaṇaṃ tadakhilaviśeṣānugatamiti || vādyukte sampratyavasthānaṃ jātirityasya kenacit saha sādharmyeṇa
vādinā prayukte pratīpamavasthānaṃ vādyabhimataviruddhena saha sādharmyeṇa dūṣaṇaprasañjanaṃ
jātiḥ, evaṃ kenacit saha vaidharmyeṇa vādinā prayukte pratīpamavasthānaṃ vādyabhimataviruddhena saha vaidharmyeṇa dūṣaṇaprasañjanaṃ jātirityasya caikaikasya na sarvajātivyāpakatvamityavyāptiḥ syādata uktamanyataratvaṃ jātitvamityartho'vaseyaḥ, chalādivāraṇāya tadbhinnatvaṃ tatra deyamiti | jāteścaturviṃśatiprakārepu 'sādharmya-vaidharmyotkarṣā-pakarṣa-varyā
varṇya-vikalpa-sādhyaprāptyaprāpti-prasaṅgapratidṛṣṭāntānutpatti-saṃśaya - prakaraṇāhetvarthāpattyaviśeṣopapattyupalabdhyanupalabdhinityanityakāryyasamāḥ' ( a0 5 ā0 1 sū0 1 )
itisūtropadiṣṭeṣu lakṣyeṣu krameṇa lakṣaṇapratipādane karttavye prathamaṃ sādharmyasamaprakāraṃ
lakṣayati gṛhyamāṇaviśeṣatvena prakaraṇasamatvena sādharmyeṇa pratyavasthānaṃ sādharmyasama
iti, atra sādharmyasamātmako jātivikalpo lakṣya iti puṃliṅganirdeśaḥ | evamagre 'pi,