Bhaktimartanda p19.2

p19.2

ekādaśe viśvarūpaṃ pradarśya dvādaśe, evaṃ satatayuktā ye bhaktāstvāṃ paryupāsate ye cāpyakṣarama'vyaktaṃ teṣāṃ ke yogavittamā ityarjunapraśne, mayyāveśya mano ye māṃ nityayuktā upāsate śraddhayā parayopetāste me yuktatamā matā ityādinā'kṣaropāsanātaḥ stropāsanāyā utkarṣam, atha cittaṃ samādhātuṃmatyādinā bhaktyanukalpān, adveṣṭā sarvabhūtānāṃ maitraḥ karuṇa eva cetyādinā jñānyapekṣayā bhaktotkarṣaṃ coktavān | tatastrayodaśe prakṛtipuruṣakṣetrajñādi jñātuṃ pṛṣṭastallakṣaṇāni uktavān | caturdaśe jñānaṃ coktavān | eteṣāṃ bhaktyupayoga iti, iti kṣetraṃ tathā jñānaṃ jñeyaṃ coktaṃ samāsataḥ oṃ madbhakta etadvijñāya madbhāvāyopapadyata iti vākyājjñeyaḥ | evaṃ prāsaṅgikaṃ parihṛtya pañcadaśe svasya sarvavedavedyatvaṃ puruṣottamatvaṃ, tajjñāne kṛtakṛtyatvaṃ coktvā ṣoḍaśe cāsura niṣedhadvārā'dhikāriṇaḥ svarūpato nirṇīya, saptadaśe hīnādhikāryupāsanamuktvā'ṣṭādaśe saṃnyāsādikaṃ nirūpya, samāsenaiva kaunteya niṣṭhā jñānasya yā parā oṃ buddhyā viśuddhayā yukto dhṛtyātmānaṃ niyamya cetyādinā viśuddhabuddhyādīnuktvā, nirmucya nirmamaḥ śānto brahmabhūyāya kalpate oṃ brahmabhūtaḥ prasannā''tmā na śocati na kāṅkṣati |