Bhaktimartanda p37.2

p37.2

tathā mṛtyurūpe bhagavati bhayānakaṃrasānubhavitāraḥ kaṃsādayaḥ | tena ta evādhikāriṇaḥ | madabindusaṃsargeṇa vigatarājanarūpe bhagavati bībhatsarasānubhavitāro bībhatsaprakṛtayo laukikāḥ| tena ta evādhikāriṇaḥ | śrīdharyāṃ tu virāṭśabdaṃ vikalārthamaṅgīkṛtya, kva vajrasāra sarvāṅgau mallau śailendrasannibhau oṃ kva cātisukumārāṅgau kiśorau nāptayauvanāviti vikalatvamuktam | tatra karuṇaraso bhavituṃ yukta iti pratibhāti | ata eva śiśutvapratītabhagavati karuṇarasa uktaḥ| anyatra ca, utkṛtyotkṛtya kṛttiṃ prathamamatha pṛthūtsedhabhūyāṃsi māṃsānyaṃ sasphikpiṇḍamāṃsādyavayavasulabhānyugrapūtīni jagdhvā oṃ ārtaḥ paryastanetraḥ prakaṭitadaśanaḥ pretaraṅkaḥ karaṅkādaṅkasthādasthisaṃsthaṃsthapuṭagatamapi kravyamavyagramattīti bībhatsarasa udāhṛtaḥ| natu sattvarūpe bhagavati śāntarasānubhavitāro yoginaḥ sāttvikāḥ | tena te'dhikāriṇaḥ | svāmitvena devatātvena ca pratīyamāne bhagavati bhaktirasānubhavitāro guṇātītāḥ | tena ta evādhikāriṇaḥ | tadevamatirikto bhaktiyogaḥ | sa ca kvacidratiśabdena kvacidbhāvaśabdena cā'pi vyavahriyate | samyagvyavasitā buddhistava rājarṣisattama oṃ vāsudevakathāyāṃ te yajjātā naiṣṭhikī ratiḥ || ya etat pūtanāmokṣaṃ kṛṣṇasyārbhakamadbhutam oṃ niśamya śraddhayā martyo govinde labhate ratimityādiṣu | kevalena hi bhāvena gopyo gāvo nagā mṛgāḥ oṃ ye'nye mūḍhadhiyo nāgāḥ siddhā māmīyurañjasā || sarvātmabhāvo'dhikṛto bhavatīnāmadhokṣaje ityādiṣu ca | mārgṛtvaṃ tu phalārthaṃ mṛgyamāṇatvāt | tadittham |